Sot në mëngjes nga ana e shërbimeve të Komisaritit Nr. 2 në bashkëpunim me Komisaritin e Policise Nr.6 u bë e mundur finalizimi i operacionit të koduar “GRABITESI I VETMUAR”,ku u bë e mundur kapja si dhe ekzekutimi i urdhër ndalimit të prokurorit pranë Prokurorisë së Rrethit Gjyqësor Tiranë, për shtetasin Silvester Sylaj, 20 vjeç lindur në Vlorë dhe banues në Tiranë, me gjendje gjyqesore i denuar me pare per vepren penale “Vjedhje me dhune”
Ky shtetas dyshohet për veprat penale të “Vjedhjes me dhunë “ si dhe “Prodhim dhe mbajtje pa leje i armëve dhe municioneve luftarake “. si autor i dyshuar i ngjarjes se dates 06.08.2015 që ka të bej me vjedhjen me dhunë të shtetasit S.L, në ambjentet e furrës së bukës “e rrugen “Irfan Tomini ” ne pronesi të tij të shumës 40000 (dyzete mije lekë) të reja ,nën kërcënimin e një arme të ftohtè.
Nga kontrolli I ushtruar në banesë nga Policia u bë e mundur gjetja dhe sekuestrimi i rrobave si dhe maskes që ky shtetas ka përdorur në këtë ngjarje si dhe ju gjetë dhe ju sekuestrua në cilesinë e provës materiale një armë zjarri automatik model 56
Nga teresia e veprimeve proceduriale hetimore u bë e mundur dokumentimi ligjor i disa veprve penale të kryera nga shtetasi Silvester Sylaj dhe më konkretisht :
Ngjarje më datë 01.08.2015, tek “Ish Dogana” i ka bërë presion një dhe e ka kërcënuar me një sopat duke i vjedhur shumën prej 10.500 (dhjetë mijë e pesëqind) lekë të reja, si dhe aparatin e telefonit celular “Nokia”
Ngjarje më datë 14.02.2015 , në rrugën e Durrësit, është vjedhur nën kërcënimin e armës së zjarrit e dyshuar si pistolete nje shume perj 32.600 leke në një pikë lojrash fati “Lloto Sport “
Ngjarje më datë 06.09.2015, në rrugën “Teodor Keko”, është vjedhur banesa e një shtetaseje, ku i kanë marrë një sasi parash dhe disa bizhu.
Ngjarje më datë 19.09.2015 në rrugën “Sokrat Miho”, i janë vjedhur pasqyrat dhe kasetofoni mjetit tip Benz me targë AA420ML.
Ngjarje më date 24.09.2015, në Yzberisht, është vjedhur një banesë ku kanë marrë 100.000 lekë .
Ngjarje më datë 20.08.2015, në rrugën “Teodor Keko”, janë vjedhur pasqyrat e mjeteve të tipeve “Benc” me targa AA196EV, dhe AA265IU,
Ngjarje më datë 30.08.2015, në rrugën “Milto Sotir Gurra” Unaza e Re Tiranë, është vjedhur banesa një shtetasi ku janë marrë 400 mijë lekë.
Materialet do ti kalojnë Prokurorisë së Rrethit Gjyqësor Tiranë për veprat penale të “Vjedhjes me Dhunë “ ,”Vjedhjes “ ,”Mbajtjes pa leje të armëve dhe municioneve luftarAke “në ngarkim të shtetasit Silvester Sylaj, i cili ndodhet në dhomat e paraburgimit në Komisariatin nr.2 .
