Policia e Malit të Zi, ka përdorur gaz lotsjellës për të shpërndarë protestën e thirrur nga opozita nw Podgorice, të cilët kërkojnë dorëheqjen e kryeministrit dhe zgjedhje të parakohshme, njofton Klan Kosova.
Liderët opozitarë dhe qindra qytetarë me ta, kanë protestuar së bashku të shtunën në mbrëmje në qendër të Podgoricës, kryeqytetin malazias, dhe kanë provuar të shpërbëjnë kordonin e policisë pranë Parlamentit. Por, policia ka arritur ta shpërndajë turmën e protestuesve vetëm pas lëshimit të gazit lotsjellës. Liderët anti-qeveritar të bashkuar nën emrin Fronti Demokratik, Andrija Mandic, Nebojsha Medojeviç dhe Branko Radulovic, kanë thirrur protesta edhe për sot, për të detyruar Qeverinë të shkojë në zgjedhje të parakohshme, njoftojnë mediat në Mal të Zi.
Grupet opozitare edhe në fillim të kësaj jave organizuan një protestë anti-NATO, gjatë një vizite nga ana e Sekretarit të Përgjithshëm të Aleancës, Jens Stoltenberg. Kundërshtarët politik të Qeverisë në Mal të Zi, ndër tjera, kanë akuzuar krerët e shtetit se ushtrojnë pushtet autoritar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
