Në pranga përmbaruesi qe bllokoi llogaritë e Saimir Tahirit

Specialistët e Sektorit për Korrupsionin ndaluan një përmbarues privat për veprën penale “Shpërdorim detyre“ .

Ndalimi i shtetasit Baftjar Nelaj, 48 vjeç, lindur në Lushnje dhe banues në Tiranë, me detyrë Përmbarues Privat , është bërë për fakin se me veprime për ekzekutimin e një vendimi të Gjykatës së Shkallës së Parë Tiranë për të cilën Gjykata ka lëshuar Urdhër Ekzekutimi me kreditor shtetasin B.M dhe debitor P.M, përmbaruesi në kundërshtim me ligjin dhe vendimin e gjykatës ka bërë bllokim pranë ZVRPP për pronat e shtetasve SH.M, A.D dhe B.J, prona të cilat nuk ishin objekt i këtij vendimi gjyqësor.

Nga ana e Policisë në cilësinë e provës materiale janë administruar pranë Z.V.R.P.P.Tiranë i gjithë dokumentacioni përkatës si dhe dosja përmbarimore në zyrën e të dyshuarit Baftjar Nelaj, thuhet në njoftimin e drejtorisë së policisë në Tiranë.

Por abcneës thotë se policia e shtetit ndaloi Baftjar Nelajn, për shkak se ka nisur ekzekutimin e vendimeve te gjykates për Ministrin e Brendshëm, Saimir Tahiri. Burime të ABC Neës thanë se nuk ka asnjë urdhër-arresti ndaj ketij personi. Sipas policisë, përmbaruesi Nelaj në kundërshtim me ligjin dhe vendimin e gjykatës ka bërë bllokimin e pronave në Hipotekë për pronat e tre shteasve Sh,M., A.D., dhe B.J, te cilat nuk ishin objekt i vendimit gjyqësor. Por burimet pranë zyrës së përmbaruesit Nelaj thanë se gjykata e Tiranës, i ka dhënë të drejtë veprimeve të përmbaruesit, pas ankimit të bërë nga tre keto persona. Kolege te Nelajt thane se arrestimi u urdherua, pasi nisi procedura e ekzekutimit të vendimit të dënimit ndaj ministrit të brendshëm Sajmir Tahiri. Ai është dënuar për shpifje ndaj Albana Vokshit, nga Gjykata e Tiranës me 1 milion lekë të reja. Pasi ka vënë në dijeni ministrin Saimir Tahiri për ekzekutimin e vendimit, policia urdhëroi ndalimin e tij, pavaresisht se gjykata i ka dhënë të drejtë.

/DRONI.al/