PD ka ndërmend të cojë ligjin për dekriminalizimin në Komisionin e Venecias. Por para se PD të vendos të shkojë ne Venecia për testin e drogës, duhet t’i hedhë një sy historikut të opinioneve të tij, shkruan abcnews.
Komisioni i Venecias ka dhënë një mendim në rastine Gjeorgjisë në vitin 2011. Komisioni i kërkoi ta heqë testin e drogës nga drafti i kodit zgjedhor.
Gjeorgjianët kërkonin që kush dilte pozitiv në testin e drogës t’i ndërpritej mandati.
Komisoni Europian për demokraci përmes ligjit, pra Komisioni i Venecias ashtu dhe ODIHR, zyra e OSBEpër institucionet demokratike dhe të drejtat e njeriut, dhanë mendim të përbashkët, ku është rekomanduar heqja e testit të drogës nga drafti i gjeorgjianëve.
Përveç vështirësive teknike që shkojnë se deri në sa teste pozitive droge përgjatë periudhës kohore janë të barazvlefshme me “varësinë ndaj drogës”, Opinioni vë theksin tek parimi universal i votës.
“Këto parashikime janë problematike përsa i përket parimit universal të votës dhe nuk janë në të njejtën linjë me paragrafin 7.9 të Dokumentit të Kopenhagenit të OSBE-së të vitit 1990, i cili parashikon që “kandidatët të cilët marrin numrin e mjaftueshëm të votave të përcaktuara me ligj marrin postin, sipas rregullit”. Siç rekomandohet nga opinionet e shkuara të Komisionit të Venecias dhe të OSBE/ODHIR-it, këto nene të projektligjit, duhet të hiqen.
Komisioni i Venecias e ka dhënë një herë mendimin për testin e drogës. Sërish edhe nëse ai do të përfshihej në ligjin për dekriminalizimin, a rrezikon që ky kapitull të bjerë kur në Venecia dhe ODIHR të mbërrijnë amendamentet e Kodit Zgjedhor shqiptar.
