Teksa po fliste ish-kryeministri Sali Berisha, salla e Parlamentit rreth orës 16:00 pothuajse ishte boshatisur. Karriget e ministrave ishin bosh dhe shumica e deputetëve ishin larguar nga salla. Berisha reagoi lidhur me këtë gjendje në Kuvendin e Shqipërisë nëpërmjet një statusi edhe në facebook, sipas tij ministrat dhe deputetët e mazhorances janë tmerruar nga denoncimet e opozitës, prandaj edhe kanë braktisur parlamentin.
Reagimi i plote i ish kryeministrit Sali Berisha
“Ja ku eshte katandisur parlamenti!
Bojkot total nga qeveria Rama dhe ministrat e tij, kane tmerr nga aferat e tyre te pista korruptive qe opozita denoncon ne parlament.
Pervec braktisjes se parlamentit nga shumica, sot vetem 6 deputete te mazhorances ishin ne salle. Rama dhe papagajte e tij jane te vetmit qeveritare ne bote qe sulmojne per te diskretituar parlamentin, dhe diten e enjte, diten e parlamentit, e quajne e “entja e zeze”!! sb”, eshte shprehur ai.
