Kryetari i Kuvendit të Shqipërisë Ilir Meta po vijon vizitën e tij në SHBA. Sot është dita e katërt e vizitës dhe ai ka pasur vetëm një takim në nivelet e mesme të administratës amerikanë ndërkohë që takimet në Kongresin amerikan kanë qënë të shumta, por jo në senat.
Kryetari i Kuvendit z. Ilir Meta u prit në takime nga Kryetari i Kongresit Amerikan, z John Bohmer, liderja e demokratëve në Kongres Amerikan, znj. Nancy Pelosi dhe kryetari i task-forcës kundër terrorizmit në Kongresin Amerikan, z. Robert Pittenger.
Kryetari i Kuvendit, z. Ilir Meta ka vijuar takimet me zyrtarë të lartë në kuadër të vizitës që po zhvillon këto ditë në Shtetet e Bashkuara të Amerikës.
Z. Ilir Meta është takuar me Kryetarin e Kongresit Amerikan, z. John Boehner para largimit nga detyra. Gjatë takimit, ku është diskutuar për marrëdhëniet mes dy vendeve dhe sfidave që ato kanë, Kryetari i Kuvendit ka vlerësuar mbështetjen që Kongresi Amerikan jep për vendin tonë.
Nga ana e tij, z. Boehner e ka cilësuar Shqipërinë si një aleate të vendosur të SHBA-ve.
Gjithashtu, Kryetari i Kuvendit, z. Ilir Meta dhe kryetarja e Komisionit për Politikën e Jashtme, znj. Arta Dade u takuan me znj. Nancy Pelosi, lidere e demokratëve në Kongres Amerikan dhe ish-kryetare e Kongresit.
Z. Ilir Meta u prit në një takim edhe nga kryetari i task-forcës kundër terrorizmit në Kongresin Amerikan, z. Robert Pittenger. Gjatë takimit, z. Pittenger e vlerësoi Shqipërinë si një aleat të shkëlqyer të SHBA-ve dhe pranoi ftesën e Kryetarin e Kuvendit për organizimin në Tiranë të konferencës së ardhshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
