Kryetari i PD-së, Lulzim Basha ka shpjeguar një prej momenteve më të debatueshme mes opozitës dhe mazhorancës lidhur me CEZ, pikërisht momentin kur ERE uli cmimin e blerjes së energjisë nga KESH. “Kreu i ERE, Bujar Nepravishta u shkarkua nga kryeministri Berisha, pikërisht për këtë arsye, uljen e çmimit të energjisë. Ulja ishte e domosdoshme, por marzhi i uljes ishte më shumë sesa duhej, çka i solli ERE-s humbje të mëdha”, tha Basha ne emisionin Opinion tek Klan.
Kryetari i PD shpjegoi në vijim edhe arsyen se pse lindi nevoja e uljes së cmimit për CEZ. “Qeveria kishte llogaritur borxhin 2 % më pak sesa ia kishte deklaruar CEZ-it, para privatizimit, dhe për këtë mund të humbiste 60 mln eurot që kishte lënë si garanci te Banka Botërore. Duke qenë se borxhi ishte 2 % më shumë, CEZ duhet të mbulonte gropën e 2 %. Dhe kjo arrihej me uljen e çmimit të energjisë që ERE i shiste CEZ-it.”, shpjegoi Basha duke hedhur shumë dritë në një moment që u përdor kryesisht nga Kryetari i Kuvendit Ilir Meta dhe deputeti Erjon Brace kundër ish-Ministrit të Financave Ridvan Bode.
Në vijim Basha tregoi edhe arsyet e largimit të CEZ nga Shqipëria. “Në vitin 2012, CEZ-i nuk kishte investuar në rrjetin e energjetikës, çka ishte në shkelje të marrëveshjes. Ne nisëm ta vinim në mbikëqyrje dhe zbuluam shumë shkelje. CEZ-i po kërkonte të nxirrte dhjam nga pleshti. Sabotonte furnizimin me energji elektrike të spitaleve dhe institucioneve të tjera. Ndaj ne i kërkuam CEZ-it që të largohej dhe ata pranuan, pasi po tërhiqeshin nga Ballkani”, tha Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
