Tahiri “bën të fortin” me LSI: Fitojmë edhe të vetëm, nuk duam koalicion sa për vota

Ish-ministri i Brendshëm Saimir Tahiri nga Asambleja e PS i ka drejtuar një mesazh të forte aleatit në qeverisje, LSI, kur ka thënë se PS nuk do koalicion sa për te mbledhur vota dhe për të fituar, por për qytetarët. Ai tha se PS është më e forte se kurrë. “Ndjesë për çdo punë që nuk kemi bërë, por kemi shumë punë për të bërë. Ndjesë nëse ka punë që i kemi bërë gabim, por sa më të mëdha janë pengesat aq më shumë duhet të bashkohemi. Ndjesë nëse ju ka dalë ndonjë drejtor që nuk ju ka shërbyer siç duhet. Ata drejtorin fodull e kemi motiv për tu bërë bashkë dhe për të fituar përsëri dhe atë zyrtarin ta çojmë përpara drejtësisë.
Ne kemi shumë për të humbur, nëse bën vetëm një hap pas. Përballe kemi të njëjtët njerëz që nga 1990 i rrinë mbi kokë këtij populli që shkatërrojnë të rinjtë që meritonin një Shqipëri moderne, përballë herë në SHQUP dhe herë në çadër kemi të njëjtët njerëz që ishin në pushtet dhe sot po mbajnë njëri-tjetrin për tu fshehur nga drejtësia. Ata fusin kokën për tu mbrojtur nga drejtësia, ata e kanë bërë zgjedhjen e tyre, ne kemi bërë zgjedhjen. Ne duam Shqipërinë më të denjë sesa nga ata që në politikë fshihen nga drejtësia. Ne jemi më shumë, më të fortë, ata mund të dukën më të fortë te kutia e televizorit, por ne jemi më të fortë këtu, në çdo lagje, ne jemi më të fortë që në 18 qershor do të vendoset fati i Shqipërisë.
Gjëegjëza e koalicionit bëhet për të hutuar shqiptarët, sepse të gjithë e dinë se nuk ka koalicion më të rëndësishëm se sa koalicioni me qytetarët dhe aleanca jonë me shqiptarët dhe kjo është
Ne nuk duam koalicion sa për të mbledhur vota, por duam koalicion për të qeverisur qytetarët.
PS do të fitojë edhe vetëm do të fitojë, me të gjithë përballë PS do të fitojë. Në këto 75 ditë na mbetet vetëm një punë të trokasim në çdo derë. Ne në 18 qershor PS do të fitojë”, tha Tahiri.