Kryeministri Edi Rama gjatë fjalimit në Korcë me strukturat e PS-së së rajonit tha se qeveria e tij po i kthen sytë nga bujqësia. “Ka ende shumë për të bërë, por ku ishim e ku jemi? Ne e kemi kthyer plotësisht timonin dhe drejtimin dhe kemi filluar të pastrojmë metastazat e bujqësisë të organit jetik për ekonominë tonë. Janë gjëra të thjeshta që janë bërë të mundura, uji në parcelë, kanalet kulluese. Një nga arsyet pse kemi qenë fuqimisht të motivuar për reformën për t’i dhënë bashkive këtë përgjegjësi të madhe, që të jenë më të pranishme në jetën e fshatit, bujqve dhe fermerëve. Shtuam investimet për të pastruar kanalet ujitëse dhe kulluese”, tha ai duke përshkruar situatën e fshatit dhe arsione e qeverisë.
Por në vijim ai tha se qeveria do të ketë vitin e ardhshëm një program financiar shumë të madh. “Në bashkitë e reja mund të çelim një operacion të ri vitin e ardhshëm, për titullin e pronësisë në fshat, që e pengojnë atë fshatarin, të gjithë këtë shërbim t’ia bëjë bashkia. Programi i mbështetjes financiare, më i madhi që i është vënë ndonjëherë fshatit, sipërmarrësve dhe njerëzve që kanë ide të përfshihen në këtë program që do të mbështetet nga qeveria dhe do të financohet nga bankat”.
Një ditë më parë kryetari i PD-së, Lulzim Basha deklaroi në Kukës gjatë një takimi me feremrë se PD do të hedhë në bujqësi 100 milionë euro investime dhe grante cdo vit e shoqëruar kjo me heqjene taksave dhe tatimeve në shumë ankese të bujqësisë.
Në ndryshim nga Basha, kryeministri Rama deklaron se do të hedhë shumë para, por në formë kredie. Paratë do të vijnë nga bankat dhe do të mbështeten nga qeveria, thotë Rama.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
