Edi Rama mund të jetë sërish në krye të PS-së vetëm nëse fiton zgjedhjet parlamentare të vitit 2017, sikurse është parashikuar në projektet për ndryshim në statutin e Partisë Socialiste.
Socialistët e kanë mbështetur këtë përcaktim edhe në përvojën e partive të tjera simotra evropiane.
Në fakt statusit aktual thotë pak a shumë të njëjtën gjë, që kryetari jep dorëheqje nëse partia humb zgjedhjet, por vecse në variantin e vjetër kjo gjë ishte subjektive sepse kryetari edhe mund të mos bënte dorëheqje përderisa kjo nuk ishte laksative në statut.
Në vitin 2009, Edi Rama humbi zgjedhjet po me këtë statut dhe nuk dha dorëheqje dhe natyrisht as forumet nuk ia kërkuan një gjë të tillë për sa kohë kryetari nuk reflektoi ndaj statutit qoftë edhe formalisht.
Drafti do t’i paraqitet Asamblesë kombëtare për diskutim brenda këtij muaji, ndërsa miratimi i statutit të ri do të bëhet në kongresin e janarit të vitit që vjen.
Grupi i punës për ndryshime ne statut përbëhet nga deputetë dhe ministra por edhe ish zyrtarë të lartë të kësaj partie në vite si Fatmir Xhafaj që është edhe drejtuesi dhe anëtarët Damian Gjiknuri Ermonela Felaj, Armando Subashi, Bashkim Fino, Ethem Ruka, Majlinda Bufi, Musa Ulqini, Namik Dokle dhe Vasilika Hysi.
Ndryhse nga ndarja aktuale në 6 rajone statuti përcakton që bashkia do të jetë njësia bazë organizative e PS-së, ku do të zgjidhet kryetari i partisë. Funksionet dhe kompetencat e kryetarit të PS-së në bashki do të ndryshojnë. Ai do të jetë funksionar, me rrogë dhe nuk duhet të jetë i punësuar në administratën publike, shkruan sot panorama.
Gjithashtu, bashkia do të ketë një asamble të zgjeruar, ndërsa kompetencat e saj do të ndryshojnë për t’i dhënë më shumë hapësirë dhe fuqi propozuese, por dhe kontrolluese të qeverisjes, kur partia është në pushtet. Të zgjedhurit e PS-së në çdo ish-komunë apo ish-bashki përbërëse e bashkisë së madhe do të përbëjnë dhe kryesinë e baskisë, sipas kësaj gazete.
