Edhe një ditë dhe ligji për procedurat tatimore hyn në fuqi bashkë me masat shtrënguese të qeverisë të cilat kanë 10-fishuar gjobat deri në pamundësi pagese apo faliment për shkak të sekuestros.
Por shoqatat e biznesit kanë vendosur ta padisin këtë ligj në Gjykatën Kushtetuese brenda nëntorit. Dhe bashkë me të mundtë cohen në Gjykatë edhe Kodi Penal i cili mbështet masat shtrënguese të ligjit për tatimet.
Kreu i Dhomave të Tregtisë Nikolin Jaka, i bëri thirrje parlamentit që të mos miratojë as ndryshimet në kodin penal, përndryshe edhe kodi do të çohet në kushtuese.
Padia do të mbështetet në argumentin se është shkelur parimi i propocionalitetit, pasi masat e propozuara tejkalojnëmasën e shkeljes dhe ndërkohë masat e propozuara funksionojnë vetëm tek një kategori qytetarësh.
Duke ironizuar nismat e fundit të qeverisë sa i përket penalietteve deri në burg të bizneseve, Mark Craëford, Kreu i Dhomës Amerikane tha se SHBA në fakt po bën të kundërtën, ka propozime që kodet të bëhen me tre faqe, kjo sipas tij do të thithë madje edhe sipërmarrës shqiptarë aty.
Ndryshimet e shpeshta të ligjeve me sa duket i kanë lodhur ata që bëjnë biznes në Shqipëri. Sipërmarrësit kërkojnë që qeveria të rikthejë tatimin e thjeshtë.
