LSI e ka vënë përpara PS jo vetëm në qeveri por edhe në bashkinë e Tiranës. Pas disa orësh debat dhe me këmbënguljen edhe të disa këshilltarëve të majtë që i përkasin LSI, Erion veliaj u detyrua të ndryshojë vendimin për parkingjet me pagesë në 71 rrrugë të qendrës së Tiranës.
Në fillim të mbledhjes LSI ka qënë kundër votimit. Kjo ka bërë që të shtyhet mbledhja e këshillit bashkiak për gati 2 orë dhe pas debateve brenda saj LSI lëshoi qëndrim vetëm pas tërheqjes së Veliajt.
Kryetari i grupit të këshilltarëve të LSI-së, Shezai Rrokaj deklaroi se këshilltarët e tij do të votojnë pro parkingjeve me pagesë por me disa ndryshime.
Ai ka propozuar që qytetarët të mos paguajnë para për parkimin e mjeteve në zonat ku banojnë, por vetëm në rastet kur parkojnë jashtë zonave të tyre të banimit.
Mbledhja duhej të fillonte që në 17 por u shty 2 orë dhe rifilloi në 19.
Veliaj bëri një mbledhje me të gjithë këshilltarët e majtë në përpjekej për të arritur numrin 31 të këshilltarëve pro vendimit të parkingjeve.
Kryetari i grupit të këshilltarëve të PD, Leonard Olli duke komentuar vonesën dhe mbledhjen efshehtë të këshilltarëve të majtë tha se “për 60 minuta këshilltarët nuk kanë asnjë lloj informacioni dhe më pas vjen një gjysmë njoftim që thotë se mbledhja do të fillojë në orën 19:00, është një akt totalisht i papranueshëm. Në vite të tëra nuk kemi patur një rast të ngjashëm. E konsideroj një veprim të papërgjegjshëm dhe fyes ndaj çdo këshilltari. Kërkesa jonë është që kjo mbledhje të shtyhet. Në rast të mosdakordësisë së palëve, këshilltarët duhet të presin derisa të bëhen pazaret, është e papranueshme,” deklaroi Olli.
Anëtarët e djathtë të këshillit ishin shprehur kundër parkingjeve me pagesë. Ndërsa PS ka vetëm 25 anëtarë, ndërsa LSI-ja 13, PDIU 3 dhe FRD 1. PDIU ka deklaruar se abstenon në votim ndërsa këshilltarët e FRD që ajnë në koalicion me të majtën nuk janë paraqitur në mbledhje.
