Basha: Poturembushuri Rama nuk do arrijë ti mbyllë gojën medias

Për projektligjin më të fundit të qeverisë, që parashikon dënimin e medieve, deri në tre vjet burg për shpifje ka reaguar edhe kreu i PD-së, Lulzim Basha. Sipas Bashës, poturembushuri Rama nuk do arrijë ti mbyllë gojën medias
“Burracaku Rama kërcënon me burg mediat dhe gazetarët që nuk arrin t’i shantazhojë apo blejë e që kanë kurajën të nxjerrin në dritë skandalet, korrupsionin, vjedhjen, ortakërinë e tij me krimin.
E di dhe vete ky kokosh poturembushur se nuk ka asnjë shans të trembë askënd. Era e hajdutërisë së tij dhe bandës së tij po qelb Shqipërinë. Nuk shpëton dot me marifete të tilla. Nuk do të arrijë kurrë t’i mbyllë gojën as opozitës, as medias së lirë as qytetarëve. Ai dhe banda e tij do të japin llogari”, deklaron Basha.