Deputetë të PD-së i kërkuan ambasadores së BE-së, Romana Vlahutin që të reagojë lidhur me deklaratën e djeshme të Ramës ndaj mediave.
Deputeti Aldo Bumci, tha sot në parlament se shantazhi i Ramës dje gjatë prezantimit të raportit të BE-së për Shqipërinë ishte një skenë e turpshme. Ai i kërkoi ambsadores që ishte prezente përgjatë këtij momenti të reagojë.
“Ambasadorja e BE duhet të reagojë ndaj deklaratës së turpshme që u bë në prezencë të saj. Duhet reaguar ndaj një kryeministri që shantazhoi mediat në prani të ambsadores së BE-së”, tha Bumci duke shpjeguar se fill pas këtij shantazhi ai dërgoi në Kuvend ligjin për dënimin e gazetarëve.
Kryeministri Rama i konsideroi dje mediat keneta ndërkohë që po përgjigjej në pyetjet e gazetarëve gjatë konferencës së përbashkët për shtyp me ambasadoren e BE-së, në Tiranë, Vlahutin.
Kjo e fundit la të kuptohej se nuk ishte dakord me qëndrimin e Ramës por nuk u përfshi në një debat lidhur me këtë cështje. E veshur me ngjyrat e Rilindjes ia doli të mos zemëronte Kryeministrin me përgjigjen e saj. “Ndoshta dje nuk ishte etike, por sot ajo duhet të reagojë”, tha Bumci në fjalën e tij.
Lidhur me ligjin për kriminalizimin e shpifjes kanë reguar sot përvec organizatave të gazetarëve edhe OSBE, por nga zyra e BE-së nuk ka pasur ndonjë qëndrim edhe për këtë rast që alarmoi të gjitha institucionet që lidhen me fjalën e lirë dhe lirinë e medias.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
