Vizita e sotme e Edi Ramës në Novoselë
Kryeministri Edi Rama ka qenë paraditen e sotme, për herë të dytë, brenda viti në Novoselë. Ndërsa në shkurt, pas përmbytjeve,Rrama premtonte “dëmshpërblim”, sot ka prezantuar programin e ndihmave për banorët e dëmtuar nga përmbytjet e fillimshkurtit
Në kuadër të pikave të reja të programit, shefi i qeverisë shqiptare ka nënvizuar se ato parashikojnë një seri ndërhyrjesh infrastrukturore që sipas tij do të garantojnë bërjen ballë të fenomeneve të natyrës në të ardhmen.
“Gjithashtu, ne do të dëmshpërblejmë financiarisht ata fermerë që humbën prodhimin e tyre, si dhe do të mbështesim rindërtimin e një sërë serash që u shkatërruan plotësisht”, ka ripërsëritur premtimin e tij sot, Edi Rama.
Vizita e fillimshkurtit e Edi Ramës në Novoselë
Ndërkohë edhe në shkurt, të njëjtën gjë premtonte.
Ndërsa vizitoi zonën përmbytur të Novoselës, në fillmshkurtin e këtij viti, Edi Rama premtoi se pas evakuimit të përgjithshëm të banorëve të përmbytur, do të bëhej një raport i hollësishëm i dëmeve në toka bujqësore, blegtori, biznese e familje.
“Kemi diskutuar me partnerët për mbështetje”, theksonte kreu i qeverisë, ndërsa premtonte,
dëmshpërblim për fermerët dhe banorët e dëmtuar nga përmbytjet e Vjosës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
