Ambasadori amerikan Donald Lu, ka qenë edhe sot i drejtpërdrejtë, kur ka folur për emra kriminelësh ordinerë, që sipas tij lëvizin lirisht nëpër rrugë.
Në Ministrinë e Drejtësisë po mbahet një tryezë e nivelit të lartë për reformën në drejtësi, Ambasadori i Shteteve të Bashkuara të Amerikës, Donald Lu i pranishëm në këtë takim me ekspertët tha se personat që i tremben kësaj reforme janë kriminelë.
Arben Frroku
“Shqipëria ka nivelin më të ulët të ndjekjeve penale. Ata persona që i tremben reformës janë kriminelë, persona të rrezikshëm që kanë bërë krime dhe që lëvizin të lirë”, tha ai.
Diplomati amerikan u ndal të përmendë emra të veçantë, të cilët sipas tij, edhe pse të rrezikshëm janë lënë të lirë, duke treguar kështu se drejtësia ka çaluar.
Emiljano Shullazi
“Persona të rrezikshëm lëvizin të lirë si Arben Frroku dhe Emiliano Shullazi. Edhe Sokol Mjacaj vrau një fëmijë dhe u lirua. Arben Frroku vrau një polic dhe u largua në mënyrë të mistershme, u lejua të largohej nga vendi dhe pse pritej vendimi Emiljano Shullazi është një emër i akuzuar për trafik droge”, shtoi Lu.
Më herët ambasadori ka zhvilluar takime në kryeministri me zëvendëskryeministrin Niko Peleshi, në Ministrinë e Brendshme me Saimir Tahirin si dhe me kryedemokratin Lulzim Basha në selinë e PD.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
