Lëvizja Socialiste për Integrim, ka vendosur të ushtrojë presion në prag të ndarjes së buxhet-tortës së vitit 2016. Pas rezervave për buxhetin e arsimit, kreu i Grupit Parlamentar të kësaj partie, Petrit Vasili, është shprehur sot edhe kundër buxhetit për pushtetin vendor.
Në komisionin e Ligjeve, Vasili e cilësoi të nxituar këtë buxhet.
“Qëndrimi ndaj qarqeve është i nxituar dhe pa vizion. Nuk ka pasur konsultime për atrofizimin e qarqeve. Janë të papranueshme improvizimet jo kushtetuese. Duhet një qëndrim i pjekur dhe i konsultuar gjerësisht”, tha ai.
Vasili shtoi se vendimet e njëanshme prodhojnë vetëm pasoja negative.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
