Largimet masive në administratën publike të Bashkisë Tiranë, po shoqërohen me akte të tilla (shih dokumentin), intimiduese e denigruese, me të cilat detyrojnë punonjësit e “listës së të padëshiruarve” të Veliajt, të firmosin me detyrim çdo akt antiligjor për të përligjur e fshehur procedurat abuzive të largimit. Nga ana tjetër, nëpërmjet këtij akti, me kërcënimin se kush refuzon do të mbajë përgjegjësi, kërkojnë të mbjellin frikë e panik.
Duke denoncuar këtë akt të tipit “Komunikatë”, ku partia është ajo që vendos, deri edhe detyrimin e të qenit dakord me largimet e padrejta nga puna duke firmosur e zbatuar çdo urdhër e vendim partie, Departamenti i Administratës Publike i PD u bën thirrje “të gjithë punonjësve të institucioneve qendrore apo vendore të mos bien pre e këtyre vendimeve të turpshme e antiligjore. Për çdo shqetësim të kësaj natyre, paqartësi apo ndihmë ligjore, mund të kontaktoni ekspertët pranë DAPPD në selinë e PDSH, të cilët do t’ju japin asistencën ligjore të nevojshme”.
FOTO DOKUMENT/ Ja si detyrohen dhe kërcënohen në bashkinë e Tiranës për të firmosur largimet nga puna
