Ambasada e SHBA në Tiranë mirëpret dënimin e djeshëm të pesë personave për kontrabandë të qenieve njerëzore.
Nëpërmjet një deklarate të saj, ambasada bën të ditur se, organizata kriminale shfrytëzoi shpresat dhe ëndrrat e emigrantëve të mundshëm, duke i vënë ata në rrezik ndërsa siguroi mbi 15 milionë dollarë si të ardhura kriminale.
Ambasada shpreh angazhimin e SHBA-ve, për të ndjekur penalisht kontrabandistët sipas të gjitha hapësirave të ligjit amerikan dhe atij shqiptar.
Deklarata e plotë e Ambasadës së SHBA
Ambasada e SHBA në Tiranë mirëpret dënimin e djeshëm të pesë personave për kontrabandë të qënieve njerëzore. Organizata kriminale ku ata bëjnë pjesë është përgjegjëse për hyrjen e paligjshme në Shtetet e Bashkuara të më shumë se 600 shtetasve shqiptarë gjatë periudhës së shkurtër që ishte në veprim. Ajo shfrytëzoi shpresat dhe ëndrrat e emigrantëve të mundshëm, duke i vënë ata në rrezik ndërsa siguroi mbi 15 milionë dollarë si të ardhura kriminale.
Dënimi i djeshëm është rezultati i një hetimi të përbashkët të disa agjencive nën udhëheqjen e Byrosë për Sigurinë Diplomatike në Departamentin e Shtetit, në bashkëpunim të ngushtë me Policinë e Shtetit Shqiptar dhe Zyrën e Prokurorisë së Krimeve të Rënda.
Kontrabandimi i emigrantëve është një krim i rëndë dhe Shtetet e Bashkuara janë të angazhuara të ndjekin penalisht kontrabandistët sipas të gjitha hapësirave të ligjit amerikan dhe atij shqiptar. Përdorimi i shërbimeve të një kontrabandisti njerëzish për të mbërritur në Shtetet e Bashkuara është i paligjshëm dhe vendos emigrantë të mundshëm para një mundësie të lartë shfrytëzimi dhe rreziku.
Për më shumë mund të lexoni edhe …
DOSJA/ Skema e trafikimi kundrejt 25 mijë $ drejt SHBA, dënohen me 59 vjet burg 5 të akuzuarit
/web/DOSJA_Skema_e_trafikimi_kundrejt_25_mije_drejt_SHBA_denohen_me_59_vjet_burg_5_te_akuzuarit_10676_1.php
