Një Operacion i koduar “Kalaja” i organizuar nga Sektori Kundër Narkotikëve dhe Trafiqeve, në bashkëpunim me Sektorin Kundër Krimit Ekonomik dhe Financiar në drejtorinë e Policisë së Qarkut të Elbasanit, është finalizuar me sekuestrimin e letërnjoftime të falsifikuara, 2.5 kg zhivë e bardhë, 4 aparate celularë, 5 vula të institucioneve të ndryshme dhe pikave të kalimit kufitar, 1.000 dinarë, 1.000.000 lekë dhe 1.500 euro si dhe sende të tjera të cilat i shërbenin grupit për realizimin dhe bërjen e dokumenteve të falsifikuara.
Ndërkohë, nga ana e policisë u bë edhe arrestimi në flagrancë i tre poseduesve e letërnjoftimeve të falsifikuara dhe të sendeve të tjera të sekuestruara nga efektivat e policisë.
Materialet iu kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhënie ndihmë për kalim të paligjshëm të kufirit”, “Falsifikim i vulave, stampave dhe formularëve”, “Falsifikim i pasaportave dhe vizave”, “Moskallëzim krimi” dhe “Shkelja e rregullave mbi lëndët plasëse, djegëse dhe radioaktive“, të kryera në bashkëpunim, të parashikuara nga nenet 298/3, 190, 189, 300 dhe 282 të Kodit Penal.
Arrestuar
Anastas Çyço, 51 vjeç, banues në Elbasan.
Alban Nuredini, 38 vjeç, banues në Elbasan.
Lulëzim Gjoci, 48 vjeç, banues në Elbasan, i dënuar me parë me 3 vjet burg për veprën penale të “Prodhimit dhe mbajtjes së armëve luftarake dhe municioneve”
Sekuestruar
• 50 pasaporta shqiptare të falsifikuara,
• 3 pasaporta Bullgare të falsifikuara,
• 1 pasaportë Greke e falsifikuar,
• 3 karta identiteti Bullgare të falsifikuara,
• 2 leje drejtimi Bullgare të falsifikuara,
• 1 vizë kalimi të shtetit të Pakistanit e falsifikuar,
• 200 dokumente të tjera të falsifikuara, si :
• leje drejtimi, leje qarkullimi, dëftesa të ndryshme pjekurie, diploma të degëve ndryshme të shkollës së lartë, certifikata personale dhe familjare, akte pronësie noteriale të qytetit të Tiranës, vërtetime të shkollave të ndryshme, vërtetime të baskisë Elbasan,
• 3 Leje Qëndrimi në shtetin Italian,
• 1 Raport mjeko-ligjorë i Poliklinikës së Elbasanit,
• vërtetime bosh të Drejtorisë Arsimore të qytetit të Tiranës,
• Akte Vlerësimi të Drejtorisë së Përgjithshme të Transportit Rrugor,
• Certifikata Trajnimesh të ndryshme të lëshuara nga USAID,
• 2.5 kg zhivë e bardhë,
• 20 fotografi të personave të ndryshëm të cilët kanë bërë porosi për dokumente të falsifikuara,
• 4 aparate celularë,
• 5 vula të institucioneve të ndryshme dhe pikave të kalimit kufitarë,
• 1. 000 dinarë, 1.000.000 lekë,
• 1.500 euro, si dhe sende të tjera të cilat i shërbenin grupit për realizimin dhe bërjen e dokumenteve të falsifikuara.
