Komisioni i Konkurrencës pranë Autoritetit të Konkurrencës ka nisur procedurat e hetimit paraprak në tregun e prokurimit publik me objekt “Përmirësimi, rifreskimi i sinjalistikës vertikale / horizontale në akset kombëtare dhe përmirësimi i sigurisë rrugore – vazhdimi”, Loti 1 dhe Loti 2.
Sipas një njoftimi zyrtar të Komisionit të Konkurrencës, mësohet se nisur nga një artikull në media ku trajtohet një shqetësim mbi mungesën potenciale të konkurrencës në tregun e shërbimit të sinjalistikës rrugore, Autoriteti i Konkurrencës me shkresën nr 378 prot., datë 14. 09. 2015, kërkoi informacion nga “Autoriteti Rrugor Shqiptar”, lidhur me procedurat e prokurimit të realizuara në datat 07. 09. 2015 dhe 09. 09. 2015 me objekt: “Përmirësimi, rifreskimi i sinjalistikës vertikale/horizontale në akset kombëtare dhe përmirësimi i sigurisë rrugore – vazhdimi, Loti 1 dhe Loti 2”.
Nga shqyrtimi i dokumentacionit lidhur me këta dy lote, rezulton se firmat fituese në të dy lotët kanë qenë shumë pranë fondit limit (96 dhe 97 %) si dhe ka një mungesë të pjesëmarrjes së operatorëve aktivë në tregun përkatës në procedurat e prokurimit në të dyja lotët.
Si përfundim, nga shqyrtimi i procedurave të prokurimit të dy loteve të procedurës së prokurimit publik me objekt “Përmirësimi, rifreskimi i sinjalistikës vertikale / horizontale në akset kombëtare dhe përmirësimi i sigurisë rrugore – vazhdimi”, vërehet se ndërmarrjet të cilat kanë fituar këto procedura prokurimi me vlera ofertuese shumë afër fondit limit, nuk kanë konkurruar në të dyja lotët dhe mund të kenë përdorur skemën e rotacionit në ofertave duke ndarë tregun (duke përfituar pjesë përafërsisht të barabarta të fondit limit).
Për këto arsye, Komisioni i Konkurrencës, në zbatim të nenit 4, nenit 24, shkronja d, si dhe nenit 42, pika 1, të Ligjit Nr. 9121, datë 28. 07. 2003 “Për mbrojtjen e konkurrencës”, i ndryshuar, me propozim të Sekretariatit, vendosi, “Hapjen e procedurës së hetimit paraprak në tregun e prokurimit publik me objekt “Përmirësimi, rifreskimi i sinjalistikës vertikale/horizontale në akset kombëtare dhe përmirësimi i sigurisë rrugore – vazhdimi, Loti 1 dhe Loti 2, për të parë nëse ka, ose jo, shenja të kufizimit të konkurrencës”.
V E N D I M
PËR KËTO ARSYE
Komisioni i Konkurrencës, në zbatim të nenit 4, nenit 24, shkronja d, si dhe nenit 42, pika 1, të Ligjit Nr. 9121, datë 28. 07. 2003 “Për mbrojtjen e konkurrencës”, i ndryshuar, me propozim të Sekretariatit,
V E N D O S I:
I. Hapjen e procedurës së hetimit paraprak në tregun e prokurimit publik me objekt “Përmirësimi, rifreskimi i sinjalistikës vertikale/horizontale në akset kombëtare dhe përmirësimi i sigurisë rrugore – vazhdimi” Loti 1 dhe Loti 2, për të parë nëse ka, ose jo, shenja të kufizimit të konkurrencës”.
II. Ngarkohet Sekretari i Përgjithshëm për ndjekjen e procedurave hetimore të parashikuara në Ligj dhe në aktet nënligjore përkatëse, si dhe përgatitjen e raportit të hetimit paraprak jo më vonë se 30 ditë nga marrja e këtij vendimi.
Ky vendim hyn në fuqi menjëherë.
KOMISIONI I KONKURRENCËS
Eduard YPI Koço BROKA Iva ZAJMI Servete GRUDA
(__________) (___________) (___________) (___________)
Anëtar Anëtar Anëtar Zv/Kryetar
Lindita MILO (LATI)
________________
K R Y E T A R
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/