Gjykata e Apelit e Krimeve të Rënda nuk ka ndryshuar masën e sigurisë ndaj prokurorit të Krujës, Haxhi Giun dhe shtetasit Aleks Shori.
Në një seancë të mbajtur në këtë Gjykatë, pa praninë e medias, trupi gjykues ka përfunduar procesin e vlerësimit të masës së sigurisë duke lënë në fuqi masën e sigurisë “Arrest me burg” për prokurorin, por edhe Aleks Shorin, që është vëllai i një të arrestuari për të cilin Prokuroria thotë se prokurori ka shkëmbyer paratë për ndryshimin e masës së sigurisë ndaj tij.
Burime brenda sallës thonë se prokuroria i ka paraqitur trupit gjykues provat kur në afërsi të një zyre këmbimi valutor, Shori i ka dhënë paratë Giut për çështjen ndaj vëllait të tij.
Giu ka qenë i pranishëm në këtë seancë, ku ka kërkuar të ndryshohet kjo masë, pasi është prokuror karriere dhe se nuk mund të qëndrojë në burg, pasi ai ka hetuar çështje të ndryshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
