Me plot gojën mund të quhet “e pabesueshme” që do të vinte dita e që shkrimtarja Elvira Dones do të shpërthente kundër Edi Ramës. Por ja, “fundi i botës” ishte më i besueshëm se “fundi i miqësisë” Dones – Rama. Por me gjithë mosbesimin, faktet janë konkrete dhe këto na i jep vetë shkrimtarja e cila poston në rrjetet sociale, një “thënie lapidar” të komedianit amerikan, Graucho Marx.
“Ai mund të ngjajë një idiot dhe të flasë si një idiot, por mos e lini t’iu tallë. Ai është një idiot i vërtetë”, shpërthen me “apelin” e saj kundër Edi Ramës, Elvira Dones.
Është e tepërt të flitet për “mbështetjen” që Elvira Dones i ka dhënë Edi Ramës…, e cila kulmoi pas një letre që Erion Veliaj adresoi në të gjitha adresat e tij elektronike, përfshi edhe Elvira Dones, me të cilën “i sensibilizonte” miqtë e tij, për “rrëmbimin” në mes të Tiranës të ish-bashkëshortes “shtatzëne” të kryebashkiakut të Kavajës, heqjen e bebes me forcë dhe të lënies së gruas, të përgjakur, në mes të rrugës… Kaq u desh dhe Elvira Dones “vuri kujën”, për një ngjarje që siç doli më vonë, tejkalonte çdo lloj fantazie…
Me këtë, “kuje-vënie”, Elvira Dones fitoi një “vend nderi” pranë Edi Ramës, i ëprkthyer me post-ardhjes në pushtet të PS-së, me premtimin për emërimin e saj drejtore e Përgjithshme e RTSH-së. Por ndërsa për këtë “kandidaturë” nuk flitet më, besohet se një shkak për zemërimin dhe irritimin e Elvira Dones, të jetë, të ndjerit e keqpërdorur dhe e mashtruar…, ndoshta edhe “e tallur”…, sikurse mund të lexohet në rreshtat e apelit të saj në rrjetet sociale.
E PABESUESHME/ Shpërthen kundër Edi Ramës edhe Elvira Dones…
