Basha: Në janar nis një kapitull i ri, aksioni më masiv antikorrupsion

“Antikorrupsioni” ka qenë kryefjala e kryedemokratit Lulzim Basha gjatë përshëndetjes së protestës së sotme para Parlamentit. Duke bërë ët ditur se “qeveria-bandë e Ramës ‘de facto’ është rrëzuar, në janar nis aksioni më masiv antikorrupsion”, paralajëmroi Basha.
Në nisje të fjalës së tij, kreu i PD falënderoi rininë për ngritjen, sipas tij, të zërit të protestës përballë një bande hajdutësh, sikurse e konsideroi ai qeverinë. Basha premtoi gjithashtu se me ardhjen në pushtet, do të shfuqizojë ligjin “Për Arsimin e Lartë”.
“Edi Rama e ka shndërruar qeverinë në bandë hajdutësh. Falënderoj të rinjtë për ngritjen e zërit të protestës. Me ardhjen ën pushtet do të  shfuqizojmë ligjin ‘Për Arsimin e Lartë’”, u shpreh Basha.
Duke bërë një paralelizëm me gjendjen sot dhe atë të 25 viteve më parë, Basha theksoi e situata është e njëjtë.
“Ndërsa 25 vjet më parë përmbysëm një regjim që i konsideronte shqiptarët skllevër, sot qeveria e korruptuar dhe e inkriminuar ka realizuar një aparteid të dytë ku ligji zbatohet për fermerin, por jo për Tahirin që u jep makinën e tij trafikantëve, ligji nuk zbatohet as për Edi Ramën që bën kontrabandë me pikturat e tij sa herë del vet si turist jashtë Shqipërisë. Ligji nuk zbatohet për aferën 600 milionëshe të skandalit të CEZ. Ky aparteid i dyfishtë nuk pranohet nga rinia shqiptare. Kjo nuk shtë më qeveri, kjo është bandë, e cila shtetin, taksat, pronat e Shqipërisë, i sheh si mallin e babës, dhe shqiptarë i sheh sërish si skllevër”, vazhdoi Basha.
Përballë situatës, për kryedemokratin sprova mbetet “Rama ik…, Meta ik!”, si në kapitull i ri në luftën anitkorrupsion.
“Sprova Rama ik, Meta ik, do të zbatohet me sukses. Jo thjesht largimi i Ramës dhe Metës, por hapja e një kapitulli të ri, do ti japë vlerë rinisë dhe do të dënojë korrupsionin, si prioritet numër një yni. Pastrimi i politikës ka nisur, ne e fituam këtë betejë. Koha po ven që si një trup i vetëm të ngrihemi kundër të korruptuarve e korrupsionit, në mbrojtje të ligjit e Kushtetutës. Janari do të shënojë nisjen e aksionit më masiv antikorrupsion. Me duar me dhëmbë do i bëhemi barrierë korrupsionit. Korrupsionit do ti vendosim përballë standardin e transparencës. Ju ftoj të bëheni pjesë e këtij aksioni, i cili nga janari do ndëshkojë korrupsionin, në rrugë në sheshe e kudo. Rinia do të ketë rrugët e hapura për të qenë vendimmarrësja në integrimin evropian”, përfundoi Basha.

/DRONI.al/