Policia e Durrësit vuri në pranga sot shtetasin në kërkim Ndue Fugaj 74 vjeç, banues në Lezhë. Ai do të udhëtonte nga Shqipëria për në Itali me tragetin e linjës Durrës- Bari, por ka rezultuar person në kërkim, pasi më date, 08.12.2015 është identifikuar se ka kryer veprime të dhunshme, gjatë protestës ndaj Institucioneve Shtetërore në Tiranë.
.Shtetasi Ndue Fugaj u transferua në Komisariatin Nr.1 Tiranë për veprime të mëtejshme për veprat penale Shkatërrim prone” dhe”Organizimi dhe pjesëmarrje në grumbullime manifestime të paligjshme”. Më 8 Dhjetor, opozita mbajti protestën e saj të parë, ku pati dhunë mbi institucionet shtetërore
Po sot Policia e Durrësit ka vënë në pranga sot shtetasin e shpallur në kërkim Artur Xhepmeta 29 vjeç, banues në Burrel.
Kjo pasi Gjykata e Rrethit Gjyqësor Durrës më datë 03.04.2013, e ka dënuar me 1 vit e 4 muaj burg për veprën penale“Korrupsioni pasiv i personave që ushtrojnë funksione publike”.
Mësohet se ai ka shfrytëzuar faktin që ishte punonjës i kontrollit teknik të automjeteve pranë Kolaudimit Durrës dhe ka marrë përfitime monetare nga shtetas të ndryshëm.
