Një krim i rëndë ka ndodhur në një familje sot në mëngjes në Sarandë.
Rreth orës 08:55, një person ka vrarë me armë zjarri gruan e tij dhe veten, brënda në banesën e tyre.
Ngjarja ka ndodhur në fshatin Gjashtë të qytetit të Sarandës, ku shtetasi: Afrim Uzo, ka qëlluar me armë zjarri “Automatik” bashkëshorten e tij, shtetasen e quajtur: Lina Uzo, e cila ka gjetur vdekjen e menjëhershme.
Më pas, ky shtetas ka qëlluar edhe veten e tij, për pasojë ka gjetur vdekjen gjithashtu.
Mendohet se viktimat janë rreth moshës 45-50 vjeç.
Në banesë ka qenë prezente edhe vajza e tyre e cila është dërguar në Spitalin e Sarandës pasi ndodhet në gjendje depresioni.
Shërbimet e Policisë bashkë me grupin e ekspertëve mdodhen në vendin e ngjarjes dhe po punojnë për sqarimin e plotë të rrethanave të ngjarjes.
