8 persona nga Pogradeci kanë rënë në pranga e policisë për kontrabandim nafte nga shteti maqedonas, të cilën më pas e shisnin në Pogradec në mënyrë të paligjshme.
Arrestimi i tyre u bë gjatë finalizimit të operacionit të koduar “Diezel” pas një hetimi disa mujor të nisur që prej muajit tetor të 2016.
Sipas policisë, “rezulton se këta persona në mjetet e tyre kanë modifikuar depozitat e naftës duke i shtuar depozitë tjetër për të marrë sasi nafte më të madhe në shtetin Maqedonas, e cila më pas shitej prej tyre, në tregun vendas në mënyrë joligjore”.
Nga hetimet e zhvilluara është bërë e mundur që në faza të ndryshme të hetimit të faktohet edhe vend depozitimi i sasisë së naftës së futur kontrabandë, në dy ambiente të ndodhura në fshatin Mëmëlisht dhe në fshatin Grabovicë.
Në cilësinë e provës materiale u janë sekuestruar 6 automjete që përdoreshin nga këta të fundit për të futur naftë kontrabandë, si dhe një sasi rreth 1500 litra naftë e ndodhur nëpër bidona plastikë e cila është futur kontrabandë nëpërmjet Pikës së Kalimit Kufitar të Qafë-Thanës.
Materialet për hetime të mëtejshme i kaluan Prokurorisë të Rrethit Gjyqësor Pogradec për veprat penale: “Kontrabanda me mallra që paguhet akcizë”; “Ruajtja dhe Depozitimi i mallrave Kontrabandë”.
Të arrestuarit
Vasil Bardhi, 50 vjeç, banues në fshatin Grabovicë–Pogradec
Rexhep Elmasllari, 60 vjeç, banues në fshatin Mëmëlisht-Pogradec
Enrik Muçollari, 31 vjeç, banues në fshatin Vërdovë–Pogradec
Alban Seitllari, 35 vjeç, banues në fshatin Gështenjas–Pogradec
Mihal Qazollari, 54 vjeç, banues në Pogradec
Eneris Elmasllari, 26 vjeç, banues në fshatin Nizhavec-Pogradec
Krenar Hoxha, 32 vjeç, banues në Pogradec
Marsel Ymer, 30 vjeç, banues në fshatin Goskovë e Poshtme-Korçë
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
