Foto Ilustruese
Një person ka gjetur vdekjen dhe shtatë të tjerë janë plagosur si pasojë e një aksidenti të rëndë rrugor të ndodhur gjatë orëve të pasdites së të hënës në aksin rrugor që lidh qytetin e Pogradecit me Korçën.
Sipas policisë së Korçës, aksidenti ka ndodhur në afërsi të fshatit Leshnicë, ku një automjet furgon tip “Benz” me targa AA 023 EG është përplasur me një automjet tip “Audi” me targa AA 479 MG.
Si pasojë e përplasjes tetë persona kanë mbetur të plagosur. Ata janë zhvendosur me shpejtësi drejt spitalit rajonal të Pogradecit, ku fatkeqësisht njëri prej tyre ka ndërruar jetë. Viktima është shtetasi Martin Duro 30 vjeç nga fshati Podgorie, ndërsa identiteti i të plagosurve ende nuk dihet.
Policia ka mbërritur në vendin e ngjarjes dhe ka nisur hetimet për zbardhjen e dinamikës së plotë të saj, ndërkohë që identiteti i personave viktimë e këtij aksidenti nuk bëhet ende me dije.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
