Vladimir Putin është goditur nga vdekja e papritur e një prej kryespiunëve të tij, raporton Mirror.
Shefi i inteligjencës ushtarake, Igor Sergun, që ka luajtur një rol të rëndësishëm në aneksimin e Krimesë dhe aksionet ruse në lindje të Ukrainës, vdiq në moshën 58-vjeçare.
Kremlini nuk ka dhënë asnjë arsye për vdekjen e tij, por ofroi ngushëllime për të shoqen dhe dy vajzat.
Sergun ka qenë atashe ushtarak në ambasadën ruse në Tiranë gjatë vitit 1998.
Vitet e fundit ai ishte një njeri shumë i rëndësishëm i regjimit rus, me shumë ndikim në disa ngjarje si ato në Ukrainë, por edhe bombardimet në Siri.
Kryespiuni ushtarak rus ishte shënjestër e sanksioneve amerikane dhe europiane për Ukrainën.
Putin e kishte promovuar, duke e bërë kolonel-gjeneral 11 muaj më parë.
Ndërkohë Sergun është akuzuar nga disa burime në Kiev se u ka ofruar rebelëve në lindje të Ukrainës armatim, mes tyre dhe sistemin raketor BUK, që thuhet se është përdorur për rrëzimin e avionit të Malaysia Airlines, që solli humbjen e 298 jetëve.
Kjo është humbja e dytë e rëndësishme e një ushtaraku të lartë rus gjatë një jave.
Më herët humbi jetën gjenerali Alexander Shushukin, komandant i trupave ruse që aneksuan Krimenë.
Ai vdiq nga një sëmundje në zemër. mapo
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
