A e dine tabelen e shumezimit ne MF?

Klodian Tomorri

Nje dite me pare pame se si ne Ministrine e Financave nuk dinin se cfare taksash jane miratuar ne paketen e re fiskale. Sot do shohim ca fakte edhe me turperuese. Ne MF nuk dine tabelen e shumezimit. Citoj nga dokumenti i ilustruar me foto:

“Ne vitin 2016, Qeveria juaj do te shpenzoje 452.1 miliarde leke. Me fjale te tjera, rreth 156 milione leke per cdo burre, grua dhe femije ne vendin tone,”-thote ne fjalen bashkangjitur dokumentit Ministri i Financave.

Nje pyetje per ekspertet dhe drejtuesit e larte te MF. E dini sa jane 157 milione leke per fryme? Nese jo ja u them une. Jane perafersisht 1.5 milione dollare.

Mendoni ju se buxheti ne Shqiperi shpenzon 1.5 milione dollare per cdo shqiptar? Sepse nese po do ishim 40 here me te pasur se amerikanet vetem nga buxheti. (dhe ne buxhet hyn vetem 30% e GDP)

Nuk jane 156 million leke per fryme sa thoni te nderuar zoterinj, por 156 mije. 1 mije here me pak. Nuk eshte gabim me nje zero (qe te justifikohet se keni ngaterruar leket e reja me te vjetra) nuk eshte gabim as me dy zero, por eshte gabim me 1 mije here.

Por vijojme me poshte. Citoj serish nga dokumenti:

“Borxhi per fryrne ne vitin 2016 eshte 3748 mije leke nga 3588,6 mije leke qe ishte ne 2015,” -thuhet ne document.

Jeni ne terezi mo? Dmth borxhi yne eshte 3.7 milione leke per fryme ose 37 milione leke te vjetra per cdo shqiptar e?

Nese do ishte 3.7 milione leke per fryme, ose 37 mije dollare per cdo shqiptar, borxhi yne total do ishte 100 miliarde dollare. Kjo eshte sa 1 mije per qind e GDP.

Tani me fal, por kjo eshte ofenduese dhe jo serioze per te gjithe ne? Si mundet nje dokument zyrtar te kete gabime te tilla? Si mundet institucioni me i larte ekonomik i vendit, qe menaxhon llogarite kombetare te kete probleme me tabelen e shumezimit?

Po kjo eshte qesharake dhe e papergjegjshme. Na bete gazi I botes, shpenzohen parate e qytetareve per pacavure te ketij lloji.

/DRONI.al/