Pështjellim i madh në trafik dhe një stres i pa nevojshëm, e ka quajtur Mit’hat Havari, ish-oficeri e ish-drejtues i lartë i Policisë së Shtetit, bllokimin prej më se dy muajsh të pjesës së Bulevardit, nga kryqëzimi Presidencës te Sheshi “Nënë Tereza”.
Çlirimin e këtij segmenti e ka quajtur “sihariq” të cilin ka zgjedhur ta ndajë me miqtë e tij në rrjetet sociale.
“Sihariq!
Më në fund ‘udhëheqësi’ vendosi të ç’bllokojë pjesën e Bulevardit “Dëshmorët e Kombit” nga Presidenca deri te Sheshi ‘Nënë Tereza’ , i bllokuar prej më se 2 muaj.
Ishte një vendim absurd, duke shkelur në mënyrë flagrante rregullat e funksionimit të urbanistikës dhe qarkullimit rrugor, të mos them dhe shkeljen e të drejtave të njeriut. Ka qenë një pështjellim i madh në trafik dhe një stres i pa nevojshëm për drejtuesit e mjeteve të kryeqytetit”, shkruan Mit’hat Havari në “Facebook” duke publikuar edhe këtë foto.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
