Policia ka njoftuar detaje lidhur me rrëmbimin e Ylber Kerit, 36 vjec.
Ajo konfirmon se ka ndodhur rrëmbimi në afërsi të shkollës Bajram Curri,
Sipas policisë, Ylberi shoqërohej edhe me fëmijën e tij të mitur. Është ky i fundit që ka treguar rreth personave që rrëmbyen të atin. Sipas tij Keri ka debatuar me personat dhe është konfliktuar më pas. Ata e kanë tërhequr drejt një makine benx dhe janë larguar bashkë me Ylberin.
Njoftimi i policisë:
“Më datë 09.01.2016, në afërsi të shkollës “Bajram Curri”, një shtetas me iniciale Y. K, duke ecur me fëmijën e tij të mitur, është konfliktuar me disa persona të cilet ishin duke udhetuar me nje mjet tip Benz.
Sipas deklarimeve të fëmijës në Polici, dyshohet se i ati pasi ka debatuar me këta shtetas është marre me dhunë forcërisht në makinë dhe janë larguar.
Policia ka ngritur pika kontrolli dhe po punon për kapjen e personave.Një person besohet se është rrëmbyer sot në Tiranë. Sipas të dhënave të para të policisë ende të pakonfirmuara, Ylber Keri është marrë peng në afërsi të shkollës Bajram Curri”.
