Prokuroria e Korçës dërgon për gjykim 10 persona, të gjithë pjesë e një grupi që shpërndanin lëndë narkotike kokainë, heroinë dhe cannabis në zonën e ish-Konviktit, në këtë qytet, të akuzuar për veprën penale të “Prodhimit dhe shitjes së lëndës narkotike”.
Në bazë të veprimeve hetimore, rezulton se këta shtetas, në aktivitetin e tyre kriminal, orientonin blerësit e lëndës narkotike që ta konsumonin brenda ambienteve të ish-konviktit, me qëllim mos-zbulimin e tyre nga ana e autoriteteve shtetërore. Po ashtu, këta shtetas, realizonin aktivitetin e tyre kriminal, duke krijuar struktura “roje” në dy hyrjet kryesore të godinës së ish-Konviktit, me qëllim që të evidentonin dhe të shmangin ndonjë ndërhyrje eventuale të forcave policore. Sipas planeve të grupit, nëse policia do të ndërhynte për kontroll nga njëra anë, ata do të mund të dilnin ose të fshihnin gjyrmët nga ana tjetër. Duke qenë se godina ishte e madhe, anëtarët e grupit kishin krijuar aksese të ndryshme për t’iu shmangur kontrolleve.
Pas informacionit paraprak policor, Prokuroria e Korçës zhvilloi hetimet dhe siguroi informacionin se kur ishte momenti i duhur për ndërhyrje, me qëllim ndalimin e pjesëtarëve të grupit dhe zbulimin e lëndës narkotike. Ndërhyrja për arrestimin e këtyre personave ka ndodhur në dt. 24. 07. 2015. Në përfundim të hetimeve, Prokuroria e Korçës dërgon për gjykim të pandehurit:
Të arrestuarit
1. Bledjon Liçe,
2. Saimir Liçe
3. Elton (Gëzim) Koçoli
4. Gentian Koçoli
5. Marius Koçoli
6. Ronaldo Kovaçi (Trimi)
7. Eraldi Zejnuni
8. Mario Tepexhiku
9. Dorian Sako
10. Marjus Lako
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
