Shkarkohen se dolën në në televizor, qindra ndërtime pa leje gëlojnë në Tiranë

Emisioni “Stop” në TV Klan ka denoncuar një rast flagrant të abuzimit me detyrat e punonjësve shtetërore.

Këtë rradhë në qendër të investigimit ishte një inspektor në Inspektoriatin e Mbrojtjes së Territorit në Tiranë.

Ai filmohet ndërsa toleron procedurat e ndërtimit, në këmbim të parave.

Fill pas emisionit kryeinspektorja e Inspektoratit Kombëtar të Mbrojtjes së Territorit, Dallëndyshe Bici, ka njoftuar nëpërmjet rrjeteve sociale se ka shkarkuar nga detyra punonjësit Aneld Këndezi dhe Bledar Pullazi.

Vendimi është marrë menjëherë pasi në emisionin investigativ “Stop” dy të lartëpërmendurit janë filmuar në proces korruptimi teksa ishin duke kryer detyrat publike. Ndaj dy personave do të kërkohet edhe ndjekja penale.

IKMT ka falenderuar mediat dhe inkurajon çdo denoncim kundrejt personave që përfitojnë nga detyrat publike duke abuzuar.

Po ashtu IKMT thekson se ngjarja nuk duhet të zbehë besimin e shqiptarëve në punën e këtij institucioni.

Në fakt vetëm ne një bllok në Tiranë, nga Vasil Shanto deri tek Drejtoria e Pergjithshme e Tatimeve mund të numërohen me dhjetra ndërtime pa leje që i ka shëtitur edhe vetë Bici muaj më parë dhe nuk janë prishur. Por ka ndodhur që është prishur njëri dhe ngjitur me të tjetri është zgjeruar.

Ata të dy u kapën me kamera. Natyrisht që po u kape do të ikësh. Nëse nuk kapesh mund të jesh edhe drejtor.

/DRONI.al/