Revista “Anabel” ka publikuar dy foto sot, me pretendimin se një disk fluturues është fotografuar mbi Tiranë. Revista sqaron se fotot janë dërguar njerëz të ndryshëm në adresën e saj të “Faceboo”-ut. Por, revista sqaron se “Nuk dihet nëse është një fotomontazh apo një trill vizual. Madhësia e diskut në këtë foto lë për të dyshuar për faktin që askush tjetër nuk e ka parë apo që kjo UFO nuk paska interferuar në receptorët e aviacionit tonë”.
Edhe DRONI.al, e lë në dëshirën e lexuesve të tij, ëpr ta besuar informacionin e shoqëruar me këto dy foto.
Artikulli i plotë i “Anabel”
“Këto dy foto u dërguan në inboksin e ‘Anabel’ në ‘Facebook’ nga njerëz të ndryshëm. Siç shihet në to, është kohë e vrenjtur dhe në qiell mes reve shfaqet një objekt që ka formën e një disku fluturues gjigant shumë afër me tokën (2 foto).
Nuk dihet nëse është një fotomontazh apo një trill vizual. Madhësia e diskut në këtë foto lë për të dyshuar për faktin që askush tjetër nuk e ka parë apo që kjo UFO nuk paska interferuar në receptorët e aviacionit tonë.
Gjithsesi, sipas ‘Educating Humanity’ në botë janë numëruar deri në korrik 2015 rreth 1353 UFO të raportuara në MUFON (është një organizatë jo-fitimprurëse me bazë në Amerikë që heton rastet e supozuara si UFO) rreth gjithë botës. Kjo tregon një rritje me 35% të rasteve të korrikut të një viti më parë. Pjesa më e madhe e këtyre raportimeve janë në SHBA dhe po ashtu ka një raportim edhe nga Shqipëria.
Shumë njerëz përfshirë edhe shkencëtarë, besojnë në ekzistencën e tyre. Kandidatja për presidente Hillary Clinton ka thënë se nëse ajo fiton, do ta çojë këtë çështje deri në fund pasi të dhënat tregojnë se vizitat e UFO-ve mbahen të fshehta nga publiku për shkak të frikës mbi ndikimin në fe dhe në ligje. ‘Unë mendoj se ne tashmë jemi vizituar nga ata, por nuk e dimë me siguri’, tha ajo”.
