Në Gjykatën e Lartë, sot fillon rigjykimi i të akuzuarve të bandës së njohur si “Hakmarrja për Drejtësi”. Ky rigjykim, vjen pas vendimit të 7 nëntorit 2011, të Gjykatës Kushtetuese, që detyron Gjykatën e Lartë “Prishje e Vendimit” të saj, të datës 2 korrik 2010 ndaj dënimit “përjetë” të Orik Shytit.
Orik Shyti, i akuzuar për “Vrasja në Rrethana të Tjera Cilësuese (Neni 79 Kodi Penal), e dënuar me “Burgim të përjetshëm”, i ishte drejtuar Gjykatës Kushtetuese, duke kërkuar “Shfuqizimin si antikushtetues i vendimeve nr. 44, dt 01. 07. 2008 të Gjykatës së Shkallës së Parë për Krimet e renda, nr. 40, dt 07. 07. 2009 të Gjykatës së Apelit për Krimet e Rënda dhe nr. 00-2010-933 (731) dt 02.07.2010 i Kolegjit Penal të Gjykatës së Lartë”.
“Hakmarrja për Drejtësi” rikthehet në Gjykatën e Lartë, Kushtetuesja rrëzoi “burgimin përjetë”
