Alessandro Palermiti, italiani që vrau shqiptarin
Alessandro Palermiti, italiani 52-vjecar që vrau dje me katër goditje me thikë shqiptarin 49-vjecar Tahir Halili është cituar nga mediat italiane se nuk ka dashur ta vriste shqiptarin por vetëm t’i jepte një mësim, pasi ishte lidhur me një grua të martuar.
Mediat italiane raportojnë sot se vrasja do klasifikohet si një vrasje për xhelozi, ndërkohë që italiani pritet të dalë në gjyq të hënën.
Italiani pas dyshimeve të shumta nga vonesa e gruas vendos ta ndjekë. E pikas kur takohet me një mashkull dhe i afrohet me një makine tip mercedes 320, ku i gjen në befasi.
“Nuk dihet nëse mes tyre ka pasur fillimisht ndonjë debat, pas të cilit klienti im ka reaguar”- ka thënë avokati mbrojtës i italianit.
Ajo që dihet është se ai e ka qëlluar shqiptarin 4 herë me thikë, në stomak dhe në gjoks, por vetëm njëra prej tyre ishte fatale që i shkaktoi edhe vdekjen.
