Momenti i vjedhjes së bankës, pamja nga kamerat e sigurisë
Dy persona të shpallur në kërkim për veprën penale, “Vjedhje duke shpërdoruar detyrën kryer në bashkëpunim”, janë prangosur nga polica e Tiranës, Ata janë dy policë privatë, të dyshuar si bashkëpunëtorë të vjedhjes rreth një vit më parë të degës së “Union Bank”, pranë stacionit të trenit.
Sipas burimeve zyrtare të policsë së Tiranës, mësohet se rreth orës 13:45 të ditës së sotme, nga ana e Seksionit për Krimet Ndaj Pronës u bë e mundur kapja e personit të shpallur në kërkim, Ilir Syla.
Ky person ishte shpallur në kërkim pasi më datë 19. 06. 2015, Prokuroria pranë Gjykatës Apelit Tiranë, ka dërguar urdhrin për ekzekutimin e vendimit penal te Gjykatës Apelit Tiranë, e cila ka vendosur lënien në fuqi të masës së sigurisë “Arrest në burg”, për veprën penale, “Vjedhje duke shpërdoruar detyrën kryer në bashkëpunim”, parashikuar nga nenet, 135,25 të Kodit Penal.
Të njëta burime saktësuan se po sot, u bë e mundur edhe kapja e personit tjetër të shpallur në kërkim,
Dritan Duka.
Edhe ky person ishte shpallur në kërkim nga Drejtoria e Policisë Tiranë, që në datën 07. 07. 2015, pasi Prokuroria pranë Gjykatës së Shkallës së Parë Tiranë, ka dërguar urdhrin për ekzekutimin e vendimit penal të Gjykatës së Apelit Tiranë, e cila ka vendosur masën e sigurisë “Arrest me burg”, për veprën Penale “Vjedhje duke shpërdoruar detyrën “, parashikuar nga neni 135-25 të Kodit Penal.
Të arrestuarit
○ Ilir Syla, 46 vjeç, lindur në Krujë dhe banues në Tiranë, me detyrë ish punonjës i Policisë private.
○ Dritan Duka, 25 vjeç, lindur në Përrenjas dhe banues në Tiranë, me detyrë ish punonjësi Policisë private.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
