Greqia si Erion Veliaj, rritet çmimin e biletave dhe e aboneve në transportin publik

Nga data 1 shkurt, qytetarët në Greqi do të duhet të paguajnë 20 cent më tepër për biletat e mjeteve të transportit publik (autobusë, metro, treni elektrik).
Që nga ajo datë, çmimi i biletës shkon te 1,40 euro nga 1,20 që ishte deri më tani. Ndërkaq, konstant, te 0,60 euro, mbetet çmimi i gjysmë biletës.
Rritje do të kenë edhe abonetë (kartat).
Siç i deklaroi agjencisë zyrtare të lajmeve ANA-MPA, drejtori i Bordit të OASA, Joanis Skoumbris, politika e re e çmimeve do të hyjë në fuqi që nga e hëna 1 shkurt 2016. Zyrtari sqaroi se krahas rritjes së çmimit, do të shtohet edhe afati kohor i përdorimit të një bilete: nga 70 minuta që ishte deri më tani, në 90 minuta. Pra, me të njëjtën biletë, dukush ka të drejtë të shkojë diku e të kthehet brenda një ore e gjysmë.
Sa u përket aboneve, ato janë rritur sa më poshtë:
Karta gjashtëmujore për të gjitha mjetet (me përjashtim të aeroportit), do të kushtojë 170 euro, nga 165 dhe karta vjetore 330, nga 320 që ishte deri tani. Ndërsa abonetë (kartat) me ulje, janë rritur përkatësisht në 85 euro nga 83 dhe vjetorja në 165 euro, nga 160.
Çmimi për kartën mujore për të gjitha mjetet, përfshirë aeroportin, shkon në 49 euro nga 45 (me ulje 25 nga 23), karta 3 mujore në 142 nga 130 (me ulje, 71 nga 65), karta 6 mujore në 250 nga 230 (125 nga 115) dhe karta vjetore shkon 490 euro nga 450 që ishte (karta me ulje 245 nga 230).

(“Tribuna”)

/DRONI.al/