Foto Ilustruese
Ministria e Mbrojtjes ka lajmëruar dhe ka shpallur zyrtarisht nxjerrjen në ankand të 40 avionëve ushtarakë MIG. Ankandi zhvillohet në datën 22 shkurt të këtij viti, në ambientet e kësaj ministrie.
Njoftimi në Buletinin e APP, për shitjen e 40 avionëve MIG
Ajo që të bie ndër mend pas njohjes me këtë fakt, është “thirrja e kujtesës” dhe kthimi në gushtin e vitit 2013, kur zyrtarë të kësaj mazhorance, të sapokonfirmuar si fitues të zgjedhjeve të atij viti, përbaltën procesin shitjes së vetëm 5 MIG-ve.
Njoftimi në Buletinin e APP, për shitjen e 40 avionëve MIG
Ermonela Felaj, në gushtin e viti 2013, pas publikimit në media të shitjes së 5 avionëve ushtarakë MIG, në emër të PS-së paralajmëronte ish-ministrin e Mbrojtjes Arben Imami të mos abuzonte me pronën publike
“Ndjejmë po ashtu detyrimin të përsërisim thirrjen edhe ndaj sipërmarrësve që të mos përfshihen në asnjë marrëdhënie të re parash apo pronash me këtë qeveri, e cila në çdo vend demokratik në këto momente do të duhej vetëm të përkujdesej për transferimin e detyrës e jo të merrte vendime të këtij karakteri ”, paralajmëronte Felaj më pak se tre vjet më parë.
Njoftimi në Buletinin e APP, për shitjen e 40 avionëve MIG
Nuk mundtë rrinte pa folur po në ato ditë gushti të nxehtë edhe Taulant Balla.
“Arben Imami shet të tjerë avionë dhe helikopterë për skrap. Tenderi më 26 Gusht në Ministrinë e Mbrojtjes. Ministria e Mbrojtjes synon që të shesë për skrap që përfitohet nga avionët, helikopterët dhe motorët e avionëve, të cilët nuk do përdoren më nga Forcat e Armatosura. Por shitja për skrap e avionëve, helikopterëve dhe të mjeteve të tjera të ushtrisë është vijim i politikës së ndjekur nga drejtuesit aktualë të Ministrisë së Mbrojtjes për të shitur pasuritë”, shprehte merakun e tij disa ditë pas Ermonel Felajt edhe Taulant Balla.
Por sot, Felaj, Balla e të tjerë në mazhorancën qeverisëse, aprovojnë me heshtjen e tyre, shitjen e 40 avionëve ushtarakë MIG.
Për më shumë mund të lexoni edhe …
Avionët Mig-19, mund ta blesh një në Gjadër
/web/Avionet_Mig_19_mund_ta_blesh_nje_ne_Gjader_13646_1.php
