Vdekja e 4-vjeçarit, ja si u shkaktua rrjedhja dhe shpërthimi i bombolës së gazit

Zjarri në familjen Nezha në Tiranë

Nëna e djalit katër vjeçar i cili mbeti i vdekur për pasojë të zjarrit të rënë në shtëpinë e tyre te Unaza e Re mbrëmjen e së martës nga shpërthimi i një bombole gazi, ka dhënë dëshminë e saj para oficerëve të policisë. B. Nezha ka deklaruar se momentin kur ndodhi ngjarja ndodhej në banjë bashkë me vajzën e saj 7-muajshme, duke e lartë, ndërsa djali 4-vjeçar ndodhej në ballkon.
“Në ato momente unë kam qenë në banjë duke larë vajzën, ndërsa djalin e kisha lënë në ballkon. Nuk ndjeva asgjë, vetëm kur më erdhën fqinjët dhe bashkëshorti duke ulëritur e më nxorën jashtë. Por ç’të shikoje, flakë dhe tym gjithandej. Fillimisht menduam se djali kishte dalë nga shtëpia para meje, por gjithçka ishte gabim. Kur pikasëm se ai ndodhej diku në pjesën e ballkonit, ndërhyrja ishte e pamundur. Flakët ishin përhapur në çdo cep dhe askush nuk mund të kalonte, të gjithë tentuam të hynim por asnjë nuk e realizoi”, kështu mësohet të jetë shprehur e ëma e djalit 4-vjeçar A. Nezha.

Zjarri në familjen Nezha në Tiranë

Ndërkohë, ekspertët japin edhe versionin paraprak të mundësisë që provokoi ndezjen dhe shpërthimin e bombolës së gazit. Sipas ekspertëve, një derdhja nga tenxherja e gjellës që po gatuante e zonja e shtëpisë, ka fikur flakët e sobës së gazit. Kjo ka provokuar rrjedhjen dhe mbushjen me gaz të ambientit ku ndodhej soba, por edhe fëmija 4-vjeçar. E pa qartë mbetet sipas ekspertëve çfarë shkaktoi ndezjen e gazit të shpërndarë nëpër ambientin e dhomës ku ndodhej soba.

/DRONI.al/