Universiteti i Tiranës ka përcaktuar dy kritere për studentët e rinj. Fituesit do përcaktohen sipas formulës, ku 50% të peshës e ka nota mesatare e shkollës së mesme dhe 50% nota mesatare e gruplëndëve, në lidhje me degën që do konkurojnë maturantët.
Por Universiteti i Mjekësisë ka vendosur kritere më të rrepta. Pavarësisht se qeveria pritet të vendosë notën mesatare dysheme 6, për t’u pranuar në degët, Mjekësi e Përgjithshme, Farmaci dhe Stomatologji, duhet të keni mesataren e shkollës së mesme minimumi 8.5.
Sipas vendimit që ka miratuar Senati i Universiteti i Mjekësisë nuk do pranohet asnjë student poshtë mesatares 8.5 të shkollës së mesme. Për përcaktimin e fituesve në Universitetin e Mjekësisë do të merren parasysh 3 kritere, nota mesatare e maturës shtetërore, nota mesatare e shkollës së mesme dhe nota e lëndëve formuese.
Ndërsa Universiteti Politeknik ka përcaktuar një formulë tjetër pranimi, duke mos përcaktuar mesatare shtesë, por duke i dhënë përparësi notave në lëndët e Matematikës, Fizikës dhe Kimisë.
Kështu studentët në 22 programet e Universitetit Politeknik do pranohen në bazë të mesatares, e cila do të ketë 70% të peshës dhe 30% nota në Matematikë, Fizikë dhe Kimi.
Për te studiuar për piano, violine apo artet e bukura, mesatarja e shkollës se mesme nuk ka rendësine qe kërkojnë dege te tjera te arsimit te larte. Per vete specifiken e këtyre programeve, konkursi individual, ashtu si edhe me herët, do te përcaktoje pranimin ose jo te maturanteve.
Me ligjin e ri te arsimit te larte edhe Universiteti i Arteve ka vendosur raportin qe do te zëre nota mesatare e shkollës se mesme dhe konkursi.
Edhe pse ka shume interes per te rinjtë qe përfundojnë liceun, ne 3 fakultetet e arteve nuk do te pranohen me shume se 200 studente.
E njëjta praktike do te ndiqet edhe nga Universiteti i Sporteve. Është vendosur qe 60% te pikëve totale do te ketë konkursi i përgatitjes fizike dhe 40 %, nota mestarë e shkollës se mesme. Sa i përket kuotave, ato do te mbeten ne nivelin aktual rreth 220 pranime.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
