Nuredin Suli
Drejtoria Vendore e Policisë së Tiranës ka dhënë hollësi sot, për tentativën e dështuar të vendosjes së eksplozivit ndaj një biznesmeni, te Qendra Tregtare “Kristal”.
Sipas policisë, “në datë 08. 02. 2016, rreth orës 11:15 në rrugën ‘Medar Shtylla’ te parkingu i qendrës ‘Kristal’, shtetasit Nuredin Suli, 53 vjeç, i është vënë një sasi eksplozivi në mjetin e tij tip ‘Mercedes Benz’ me targë AA 667 GT. Eksplozivi është çaktivizuar nga forcat xheniere”.
Më tej, zyrtarisht polica zbulon edhe një pjesë të skedës së biznesmenit, i cili ka precedentë penalë të mëparshëm.
“Ky shtetas, i skeduar dhe me precedentë kriminalë, sipas informacioneve paraprake, para 1 viti në qytetin e Patosit, Fier ka qenë synim i një atentati tjetër për arsye hasmërie. Policia po punon për zbardhjen e plotë të motiveve të ngjarjes”, përfundon njoftimi zyrtar i drejtorisë Vendore të Policisë së Tiranës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
