Dekretet e ministrave, 5 pyetjet e Nishanit për Gjykatën Kushtetuese

Në kërkesën e Presidentit të vendit kërkohet interpretim i nenit 98 pika 1 të Kushtetutës së Shqipërisë.

Janë renditur 5 pyetje për Gjykatën, përgjigjet ndaj të cilave mundtë shteronin debatin dhe të zgjidhnin ngërcin:

1.A mund të kërkohet në të njëjtën kohë nga ana e Kryeministrit shkarkimi dhe emërimi i një ministri, ndërkohë që nevojitet një afat i caktuar kohor referuar Kushtetutës që të realizohet procedura e shkarkimit e një ministri?

2.A mundet Presidenti i Republikës të emërojë një Ministër të propozuar nga Kryeministri, ndërkohë që Kuvendi nuk i ka dhënë fuqi Dekretit të shkarkimit të ministrit paraardhës?

3. Çfarë natyre kanë dekretet e Presidentit të Republikës sa i takon shkarkimit dhe emërimit të ministrave?

4. A quhet i rrëzuar apo i pranuar propozimi i Kryeministrit, për emërim apo shkarkim ministri, në rast se Presidenti nuk dekreton atë brenda afatit 7 ditor?

5. Sa kohë që dekreti për emërimin e Ministrit është detyrim kushtetues për Presidentin, a ekziston mundësia që Presidenti të kërkojë verifikim të kandidatit të propozuar, nëse ky i fundit i plotëson kriteret kushtetuese dhe ligjore dhe nëse jo, a mund t’i kërkohet Kryeministrit rishikimi i kandidaturës?

/DRONI.al/