Vaji i bllokuar
Në pikën kufitare të Kakavijës në Gjirokastër janë zbuluar dhe bllokuar sot, 740 litra vaj ulliri dhe 1800 palë syze optike, të cilat rezultonin kontrabandë.
Malli kontrabandë, vaji ullirit dhe syzet janë gjetur gjatë kontrollit në autobusin e linjës Athinë – Tiranë, gjatë një kontrolli nga Dogana e Kakavijës dhe strukturat e Antikontrabandës.
Fillimisht, gjatë kontrollit të ushtruar në autobusin e linjës Athinë – Tiranë, me targë IMP 6431, u gjet dhe u konfiskua sasia prej 740 litra vaj ulliri, i padeklaruar, i ambalazhuara në kuti metalike. Ndaj subjektit u vendosën penalitetet përkatëse, bazuar në Kodin Doganor, ku vlera e detyrimeve dhe penaliteteve arrin në mbi 800.000 lekë.
Syzet e bllokuara
Ndërsa gjatë kontrollit të ushtruar në një tjetër autobus të linjës Athinë – Tiranë, me targë ZAE 8759, u gjetën dhe më pas bllokuan 1800 palë syze optike të padeklaruara. Vlera e detyrimeve dhe penaliteteve shkon në mbi 250.000 lekë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
