Orest Malushi
Drejtori i ujësjellësit të Ersekës dyshohet se ka kanosur me armë një person. Konflikti ndodhi në një lokal të qytetit, për motive ende të panjohura.
Sipas dëshmitarëve në vendngjarje drejtori i ujësjellësit ka pasur armë me vete dhe ndërhyrja e tyre ka shmangur një tragjedi të mundshme. Pas kallëzimit në polici drejtori u procedua në gjendje të lirë. Policia bën të ditur më anë të një njoftimi se deri më tani nuk është konstatuar se Orest Malushi ka pasur armë gjatë konfliktit.
Nga hetimet rezulton se drejtori i ujësjellësit është person me precedent penale . Në vitin 1998 ka plagosur një person me armë zjarri në qendër të Korçës dhe më pas ka emigruar në Amerikë. Ndërkohe që para dy vitesh i vendosen tritol në automjetin e tij , ngjarje ende e pazbardhur nga policia.
Njoftimi i plotë i Policisë Vendore
Nga Specialistët e Seksionit për Krimet, në Kolonjë filloi procedimi penal në gjendje të lirë ndaj shtetasit
• O. M., 38 vjeç, banues në Ersekë.
Proçedimi ndaj tij filloi pasi, dje ka bërë kallëzim shtetasi Z. B., 52 vjeç, banues në Taç-Kolonjë, i cili deklaron se shtetasi O. M., pas një konflikti për motive të dobëta , e ka kanosur shtetasin Z. B., me pistoletë.
Nga veprimet hetimore, si edhe kontrollet e kryera nga ana e Policisë, në lidhje me këtë rast, shtetasit O. M., nuk i është konstatuar arma në fjalë. Në vijim, po punohet për dokumentimin e plotë të ngjarjes.
Materialet i kaluan Prokurorisë të Rrethit Gjyqësor Korçë, për veprën penale, “Kanosja” parashikuar nga neni 84 i Kodit Penal.
Për më shumë mund të lexoni …
Nga “vrasës” në SHBA, Orest Malushi rilind drejtor i Ujësjellësit të Ersekës
/web/Nga_vrases_ne_SHBA_Orest_Malushi_rilind_drejtor_i_Ujesjellesit_te_Ersekes_7442_1.php
