Një rrugë në Tiranë ka marrë emrin e Atjon Zhitit, djalit të poetit dhe diplomatit Visar Zhiti i i cili vdiq një vit më parë në një aksident tragjik në Tiranë.
Rruga do të thirret thjesht “Rruga e Atjonit”. 19 vjecari ishte një student i shkëlqyer i filozofisë në Itali. Esetë dhe krijimet tjera provonin një talent politik dhe kulturor të rrallë për moshën e tij.
Vdekja e tij tragjike nga rrëzimi me motor në autostradën Tiranë Durrës preku qytetarët shqiptarë për të cilët, babai i tij Visar Zhiti është një poet e mrekullueshëm dhe një simbol i paqes dhe harmonisë edhe pse vuajti në burgjet politike të komunizmit.
Rruga më emrin e tij është në afërsi të qytetit Studenti dhe lidh Rr. Elbasanit me Rr. Faik Konica, një rrugë e cila ndodhet edhe afër shtëpisë ku ai banoi për shumë vite.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
