SKANDAL/ Dështon projekti on-line 5.7 milionë eurosh i kamerave të trupit të policisë

Më se një muaj pas prezantimit të projektit on-line prej 5.7 milionë euro të kamerave të trupit, të policisë, mësohet se ky projekt ka dështuar.
Jo më larg se data 2 shkurt e këtij viti, gjata prezantimit të fazës së zbatimit të projektit të pajisjes së efektivëve të policisë në terren me kamerat e trupit, ku merrnin pjesë edhe kryeministri, mistri i Brendshëm, por edhe drejtues të Policisë së Shtetit, ky projekt u cilësua nga Edi Rama si “pjesë e programit ambicioz për transformimin rrënjësor të Policisë së Shtetit”. Por pas gjashtë javësh nga ky prezantim, mësohet se ato kamera nuk arrijnë të transmetojnë on-line, në kohë reale, regjistrimet e tyre, nga trupat e policëve mbajtës të tyre.
Shkaku është i thjeshtë…
Rrjeti i kompanisë celulare që ka marrë përsipër pjesën e transmetimit të pamjeve on-line, të këtij projekti, nuk arrin të suportojë shumë usera të cilat të mundësojnë transmetimin njëkohësish, por vetëm një numër të caktuar userash.
Dështimi i projektit on-line të këtyre kamerave ët trupit, do të thotë se ato nuk mundësojnë transmetimin e pamjeve që regjistrojnë, në kohë reale. Përpos kësaj, efektivët që i disponojnë këto kamera trupi, pamjet e regjistruara i “shkarkojnë” (download-ojnë) në mbyllje të çdo turni shërbimi në serverat respektivë të komisariateve, pa pasur as mundësinë ti transferojnë në data base-en  qendror të drejtorisë së Përgjithshme të Policisë së Shtetit.

Edi Rama
Përkundër pretendimeve të kryeministrit Edi Rama,  i cili në 2 shkurt të vitit 2016 shprehej se, “ky projekt bën të monitorueshëm çdo sekondë të orarit të kryerjes së detyrës në çdo aspekt; vendndodhjen, lëvizjen, komunikimin me qytetarët, reagimin ndaj çdo sjelljeje apo veprimi në kundërvajtje a shkelje të ligjit…”, sot, sipas burimeve të Policisë së Shtetit, mësohet për dështimin e këtij projekti “të monitorimit çdo sekondë të orarit të kryerjes së detyrës…”.
“Ky program i revolucionit teknologjik në Policinë e Shtetit, mundëson një kapërcim epokal, së pari, për të realizuar një marrëdhënie shumë më cilësore mes policisë dhe qytetarëve; Së dyti, për të realizuar një betejë të përditshme shumë më cilësore ndaj krimit të organizuar, korrupsionit apo shkeljeve të ligjit në hapësirën e bashkëjetesës qytetare; Së treti, për të ngritur në mënyrë shumë më të shpejtë nivelin e vetëdijes dhe të përgjegjshmërisë së çdo efektivi policie”, e vlerësonte kryeministri Edi Rama këtë projekt.
“Brenda vitit, efektivat e policisë në terren do të kenë kamerën e trupit, një sy objektiv, që lidh veprimtarinë e tyre me trurin elektronik të Policisë së Shteti, ku memorizohet çdo moment. Ky projekt do të zhvarrosë korrupsionin nga çdo kontakt në terren mes punonjësit të policisë dhe qytetarit”, paralajmëronte Rama në 2 shkurt, për vijimësinë e këtij projekti, i cili nuk lë asnjë mundësi sot, të besohet “memorizimin e çdo momenti”.

Lulzim Basha
Dështimin e këtij projekti, bashkë edhe me cilësimin si një “propagandë mashtruese dhe asgjë më shumë projektin e kamerave të trupit, apo kamerave të tjera që ka ndërmend të instalojë kjo klike e lidhur me bandat”, e paralajmëroi në 2 shkurt të vitit 2016 edhe kreu i PD-së, Lulzim Basha.
Duke marrë shkas nga prezantimi i këtij projekti, Basha ka vënë në dyshim se “Çdo teknologji që shton sigurinë e lufton krimin është e mirëpritur, por e gjitha mund të shkojë në të kundërtën, kur bie në duart e gabuara”.
Dyshimin e tij e shprehu edhe me disa pyetje, për kontrollin e pamjeve dhe analizën e tyre.
“Kush do ti shohë kamerat kur Ministri i Brendshëm takohet dhe ndërmjetëson me vrasësin me pagesë në zyrën e tij dhe në vilat qeveritare ne plazh?
Çfarë do të bëjë Saimir Tahiri me këto pamje, që ai vetë i regjistron?
Kush do ti shohë e kontrollojë kamerat kur Saimir Tahiri, apo dhe shefi i tij, takohen e rakordohen me makinë me bandat dhe banditet?
A do të funksionojnë kamerat kur Emiliano Shullazi të futet në doganë me makinë të blinduar, pa lënë gjurmë e nishan?
A do të ketë kamera kur ngrihet trau i doganës për miqtë e Edi Ramës, që kalojnë naftë e cigare kontrabandë?”, adreson një sërë pyetjesh kreu i PD-së.
“Sigurisht, ky nuk ka këtë plan. Kamerat e tij, thjesht s’do të punojnë, ose do të jenë me defekt teknik, kur vjen puna për të pasqyruar lidhjet e tmerrshme që ai ka me krimin”, paralajmëroi Lulzim  Basha.

Për më shumë mund të lexoni edhe …

SKANDAL/ Aferë korruptive për blerjen e kamerave të policisë, shmangen procedurat e prokurimit të 5.7 milionë eurove
/web/SKANDAL_Afere_korruptive_per_blerjen_e_kamerave_te_policise_shmangen_procedurat_e_prokurimit_te_5_7_milione_eurove_6268_1.php

Edhe …

SKANDAL/ Afera korruptive 5.7 milionë euro për kamerat e policisë, kush është “kamikazi” që u përzgjodh për shmangien e procedurave
/web/SKANDAL_Afera_korruptive_5_7_milione_euro_per_kamerat_e_policise_kush_eshte_kamikazi_qe_u_perzgjodh_per_shmangien_e_procedurave_6269_1.php

Si edhe …

SKANDAL/ Afera korruptive me kamerat e policisë, 700 mijë euro vlera e projektit, 5 milionë euro abuzimi me “kontratën sekrete”
/web/SKANDAL_Afera_korruptive_me_kamerat_e_policise_700_mije_euro_vlera_e_projektit_5_milione_euro_abuzimi_me_kontraten_sekrete_6270_1.php

/DRONI.al/