Foto Ilustruese
Loja e tre të rinjve me maska, tashmë të identifikuar e shoqëruar nga policia, ka shkaktuar terro jo të vogël te qytetarët e shumtë që ndodheshin në Bllok në ato moment. Ky terror, provohet edhe nga burimet e policisë, të cilat bëjnë të ditur se te numri 129 kanë marrë rreth 15 telefonata denoncuese, ndërsa automjeti me të cilin lëviznin të rinjtë ka bërë rreth 10 xhiro nëpër Bllok.
Zyrtarisht, burime të policisë Vendore të Tiranës, bënë të ditur se rreth orës 20:30 të mbrëmjes së sotme, shërbimet e skuadrës Shqiponja kanë konstatuar në lëvizje një mjet tip BMW, ku drejtuesi i mjetit kishte vendosur një maskë. Ky mjet krijonte shqetësim te banorët në zonën e Bllokut.
Të njëjta burime saktësuan se menjëherë është bërë ndalimi i mjetit. Drejtuesi i mjetit shtetasi R. Shehu, ishte me maskë në kokë në momentin e ndalimit dhe në brendësi të mjetit ndodheshin edhe dy shtetas të tjerë.
Nisur nga dyshimet se ky drejtues mjeti me “fytyrë të mbuluar” mund të kryente ndonjë vepër penale dhe me qëllim parandalimin e ndonjë ngjarje të mundshme u bë shoqërimi i tij për sqarimin e rrethanave në ambientet e Komisariatit të Policisë Nr. 2. Në polic u shoqëruan edhe dy të rinjtë e tjerë që ndodheshin në të njëjtin mjet. Gjatë kontrollit të mjetit, mësohet se nuk janë konstatuar sende të jashtëligjshme. Po punohet për sqarimin e rrethanave të mëtejshme, sqarojnë zyrtarisht të njëjtat burime.
Të shoqëruarit
– R. Shehu, 24 vjeç, banues në Tiranë
– K. Nasko, 23 vjeç, banues në Tiranë
– A. B., 18 vjeçe, banuese në Tiranë
Për më shumë mund të lexoni edhe …
Tre të rinj shaka me maska, policia i ndjek nëpër Bllok
/web/Tre_te_rinj_shaka_me_maska_policia_i_ndjek_neper_Bllok_15538_1.php
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
