Tiranë, fillon “loja” e shpërthimeve, eksploziv garazhit të një biznesmeni

Foto nga vendi ngjarjes

Një sasi lëndësh eksploziv ka shpërthyer në garazhin e një pallati në Tiranë. Për fat të mirë, nga ky shpërthim ka vetëm dëme materiale.
Ngjarja ka ndodhur pak pas mesnatës së sotme, në garazhin e një pallati pranë Rrugës së “Kavajës”, pikërisht pas godinës së Policisë Bashkiake. Nga të dhënat paraprake, mësohet se kanë qenë rreth 200 gram eksploziv e tipit C4 që ka shpërthyer në garazhin e një pallati. Paraprakisht mësohet se garazhi është pronë e një biznesmeni.
Zyrtarisht policia Vendore e Tiranës  njofton se, “rreth orës 00:25 në rrugën “Sali Butka”, në garazhin e shtetasit A. Z., ka ndodhur një shpërthim. Si pasojë e shpërthimit ka vetëm dëme materiale në hyrje të garazhit dhe nuk ka të dëmtuar në njerëz”.
Shpërthimi përveç disa dëmeve materiale, ka shkaktuar panik te banorët, të cilëve këto shpërthime ju kujtojnë serinë e “lojës” së shpërthimeve eksplozive, të rreth një viti më parë.
Policia e cila shkoi në vendin e ngjarjes, ka nisur hetimet.

/DRONI.al/